Geittjøynne og Høyøyen i Høydalen.

Geittjøynne 24. september 2012

Geittjøynne i Høydalen er ei fin plass som det er verdt å vitja, særskild landskap med mange berghamrar og svaberg. 

Start turen frå bommen vestafor Høydalseter og følg vegen til lite over brua mot Bukkebotn. Litegrann forbi svingen ovafor brua, tek stigen av til Høyøyen. Fylg stigen etter vasskanten i Høyøyen nesten til bekken frå Geittjøynne, ta så til venstre og følg ryggen til venstre for bekken. Turrare og mindre kjørr enn etter gamle DNT-stigen som du kjem innpå att på randen opp mot Geittjøynne. Ta av til høgre på ca 1340 moh, du vil ellers koma borti nokre høge berghamrar......som ikkje er noka katastrofe, men nokre omvegar. Fiskestong bør vere med....som alltid!

Nedturen kan du med fordel leggje om Geitryggen, da får du ei fantastisk utsikt til alle kantar.
Det er tre reingraver opp mot Høyøyen, og ei tuft etter murabu i haugen der stigen går ned mot vatnet.

Tid på denne runda er ca 4 -5 timar alt ettersom.

Høyøyen mot Høygjelet.

Rute til Geittjøynne.

RONDVASSBU, lett tur for alle med eller utan sykkel.

Rondvassbu

Rondvassbu ligg langt unna Skjåk og Bøverdalen, men eg vel og ta med denne turen likevel. Denne idylliske staden er verd å sjå, det er ei "snillare" type fjell i desse traktene. Meir avrunda enn dei sundrivne taggane i Jotunheimen. 

Eg er litegrann interkommunal og vil difor tilråde denne turen på det sterkaste, lett sykkeltur med svak stigning mot midtveges frå båe kantar.

Under ser du Rondvassbu sin tilkomstbeskrivels.

Sommerstid

Du kan kjøre bil til Otta. Like sør for Otta tar du av E6 til Mysuseter. På Mysuseter kjører du gjennom bommen til Tjønnbakken og videre inn til Spranget. (kr. 10,-)  Herfra er det 6 km å gå inn til Rondvassbu (ca. 1,5 t). Det er også fint å sykle inn til hytta da turen går på en fin grusvei.
Du kan også ta tog eller buss til Otta. I påsken og skoleferien om sommeren går det buss (rute 05-658) til Spranget.

VinterstidKommer du med bil tar du av E6 like sør for Otta (Sel kommune) til Mysuseter. Du kan parkere på Letruds Parkering (kr. 30,- pr. døgn). Herfra har du 11km på ski inn til Rondvassbu. De 2 første km opp Tjønnbakken har ganske mye stigning. Resten av turen inn er i lettere terreng. Turen tar fra 3-4 timer avhengig av form og oppakning.

Trenger du taxi fra Otta ringer du tlf. 61 23 05 01 eller maxitaxi mob 90 90 30 24.

Frå turen inn mot Rondvassbu.

GROTÅKAMPANE, Lundalen i Skjåk.

Bågåstøe med utsikt mot Hestbrepiggane og Lundadalen.

Kjøyr til Heimsetre i Lundadalen, dette er bomveg og i dårleg stand ...så kjøyr forsiktig. Frå heimsetrene fylgjer du stigen mot Trulsbu til du kjem til Yste Resset. Der tek du av stigen og går rett opp berga, det er naturlege leier å gå her...delvis med saustigar. Når du kjem nesten opp, tek du skardet lite til høgre. Her kan du svinge opp på berget og gå egga mot vest.

Innpå her er det små idylliske tjøynne....og fin utsikt til Hestbrepiggane, hesthøe, Sandgrovhøe, Moldurdhøe og Grotådalen.

Når du går nedatt så krysser du bekken nede i dalen og går på venstre sida nedover (mellom bekken og Grotåe), på høgre sida er det glatte berg og hamrar utom kanten. Du kryssar på nytt når du kjem nesten ned. Da er det strake vegen ned på yste brue.

Denne runda tek 4 til 5 timar, ca 2 til 3 timar frå Heimsetre til du er oppe på Grotåkampen.

Bilete under: Lundadalen og Reppen og rute runde i Grotåkampane, 

Til høgre: BS10LD er bågåstøe ref. 32 V   0456805    6852896

SVARTDALSTJØYNNE, Bøverdalen i Lom.

Svartdalstjøynne og Mærrahøe, Holåtind t.h.

Her startar turen like vestafor Høydalseter, fylg vegen mot Bukkebotn og gå over brua. Gå opp i svingen, der tek stigen mot Høyøyen av. Like over resset mot Høyøyen er det restar etter reinsgrav (dobbel?), i haugen ved tjøynne er det restar etter ei bu. Det går stig etter vasskanten til du kjem over bekken frå Geittjøynne, frå der lagar du eigen stig på skrå opp og austover.....dersom du ikkje fylgjer DNTstigen til Nørstedalseter (nesten usynleg). 

På osen ved Svartdalstjøynne er det og restar etter reinsgrav. Denne tjøynne er heilt spesiell for meg, ho har ei sterk djupblå farge og fiskestonga er med på denne turen og.

Frå Svartdalstjøynne kan du gjera stutte avstikkarar til nedre Steindalstjøynne og Svartdalsvatnet, berre 10-15 minutts gange.

På nedturen kan ein ta ein avstikkar til ei murabu på nordaustsida av Høyøyen, ved ein stein der er ei skikkeleg fin innsmogo....einmanns. 

Ein annan avstikkar er søraust osen i Høyøyen (RU10BD), ruin av ei lita murabu.

Gangtid til Svartdalstjøynne er 2 til 3 timar.

 Bilete under: Svartdalsvatnet og Holåtindan.

Innsmoggo i Høyøyen og rute til Svartdalstjøynne.

HÅLEINDALEN I BØVERDALEN

Lita og trivleg tjøynn innast i Håleindalen, Storhøe rett fram og Storivilen bak t.v.

Innsmoggo

Dette er er ein luggum tur for alle, og du startar turen like etter Håleinbrue på Netosæter. Følg vegen til Hovdestulen, gå opp på flata 30-40 meter ovafor sæterhusa. Der er ein stein som det ofte ligg ein saltstein på. Frå den går du mot vest og kryssar Hovdestulgrove, som du følgjer på venstre sida til du kjem opp på ei flate (myr). Der kryssar du på nytt og fylgjer stigen rett opp bakken, stigen dreiar mot vest og denne fylgjer du. Der stigen kryssar over i Håleindalen ligg Kleberberget på venstre sida av stigen, her er mange gamle namn. Det gamlaste som eg har funne er frå 1710, og det ligg her ei oppmoding om ikkje å rote inn nye namn.....i såfall gjer det skikkeleg og hogg det inn og ikkje risp og rote med ein stein.

På venstre sida av stigen er det ei innsmoggo like etter du har passert Kleberberget, her kan du søkje lyd om det skulle koma "ogobår".

Når du har kome hit, er det strake vegen utover Håleindalen, det er stig heilt til den vesle tjøynne under Blåhøe. Fiskestong er obligatorisk på denne turen....men, helst vår og haust, det er varmt vatn i denne tjøynne midtsommars og fisken er da lite trivleg. Beina spriker inn i bukhola og ofte ikkje særleg god lukt.

Når du går heimover att, så fylg gjerne ryggen på sørsida. Da får du ei fantastisk utsikt mot Hestbrepiggane og mot Jotunheimen.

Utsyn mot Prestsætre frå Hovdestulfj.

Har du lyst, så er vegen ikkje lang til Høyøyen, ein kan berre forsetja rett fram eller fylgje Håleinna innover nørdre Sekken. Det er da luggumt å verta henta med bil i Høydalen.
Frå nørdre Sekken kan du og gå innover til Høytjøynnen, frå høgde mellom Sekken og Høytjøynnen har du ei overveldande utsikt mot Hestbrepiggane.

Kart Hovdestulen-lita tjøynn.

Gangtid inntil tjøynne i Håleindalen er ca 1 1/2 - 2 timar frå Hovdestulen, og 2 - 3 timar frå vegen.

NETOSÆTER-MOLDURDHØE-YTRE

Utsyn mot Hestbrepiggane, Lundadalen og Holåtindane.

Dette er ein veldig fin tur, men den krev fint vêr og rimeleg bra form. Tidsbruk er 10-14 timar alt etter form og kor mykje du vil sjå deg rundt. Lengde i luftlinje er ca 23 km, og du må opp i 2044 m.o.h.

Smette ved søre Sultjørn.

Startpunkt er Netosæter og følg bekken Stula på austsida, denne følgjer du til det flatar ut. Der bryt du av til venstre og går mot austsida av Kjerringhøe. Nå har du lett terreng heilt til søre Sultjøynne, men gå innast i kvelven så unngår du ein del myrlende. Det er restar etter reinsgraver på osen av båe Sultjøynnen, samt ei lita smette ved ein stein på haugen sør osen på søre Sultjøynne.

Kryss så osen ved søre Sultjøynn (der kan du gå turrskodd, elva renn ned i urda), gå så rett opp eit stykke og bryt av til aust mot ein lett synleg varde (synleg og frå Sultj.)

Utsyn mot Lendhøe og Storivilen.

Frå den varden går du rett opp, og fortset mot det lågaste punktet i Sandgrovskardet, frå der følgjer du venstre side av ryggen mot toppen av Moldurdhøe. Nedturen er lettast om du går rett mot lendhøe og rundar på sørsida av denne og ned Lendbreen. (ikkje gløym å sjå på eit 60-tals bogestøe på den vesle ryggen mellom Moldurhøe og Lendhøe, og på austsida av Lendholet er ei lett synleg tuft av ei påbegynt murabu)

Frå Lendholet følgjer du venstre sida av Lenda, på austkanten av nørdre Langhaugen, nesten nede i skogkanten er det ei lita klopp (bru), og derfrå er det berre å følgje stigen eller skogsvegen ned til Lendskriu ved Ytre.

GOD TUR!

Rute Neto-Ytre