Om meg

Bildet mitt
Skjåk, Oppland, Norway
Stutt sagt ein med fjell og friluftsliv som interesse. Ikkje så naudsynt med toppturar da det er så mykje å sjå under toppane. Fisking er òg morosamt. Dette er ein blogg om fjelltur og friluftsliv under stadig oppbyggjing, Og ein stad må ein starte......så vær tålmodige. Det er ikkje meininga at dette skal vera ein blogg for dei som vil på høgste toppane, men meir "moderate" turar som stort sett alle kan klare. Tek atterhald om gps-posisjonar, feilskriving kan henda sjølv om ein ikkje vil det. Klikk på bilete eller kart for større vising. Tida som er oppgjeve er meint som rettleiande, somme vil bruke mindre tid...og andre meire tid. Bruk gjerne heile dagen og vel så det, morgon og kveld har finaste ljoset. GOD TUR!

Følgere

tirsdag 7. oktober 2014

Krundalen i Jostedalen


Bergsetbreen

Baklibreen

Lengde fram og attende: ca 7 km
Tid fram og attende: ca 2 timar
Stigning: ca 90 m

Er du i Jostedalen og det høver, så ta turen innover Krundalen. Kjør inntil Bergset og parker på plassen nedafor garden. Stigen er merka så langt innunder Bergsetbreen som tilrådeleg, du bør ikkje gå forbi skiltet....for breen kan rasa til alle tider.
Det er lett og fin stig, bruer og tilrettelagt med plankar i blaute område. Fin tur for dei yngste og.
Det er fleire brear innover her, Bergsetbreen ser du heile turen. Tuftebreen er den fyrste til høgre (merka stig opptil den og) så har du Vetledalsbreen på venstre side av Krundalen og Baklibreen til høgre nesten inne mot Bergsetbreen.
Heimover Krundalen frå innunder Bergsetbreen
Lagt inn av kl.

Ingen kommentarer:

Legg inn en kommentar

Abonner på: Legg inn kommentarer (Atom)